31 янв 15:14
Янгиликлар

Теннис

Davis Cup. Ўзбекистон – Босния ва Герцеговина 1:0. Султонов жамоамизни ҳисобда олдинга олиб чиқди

Теннис бўйича Ўзбекистон эркаклар терма жамоаси норасмий жаҳон чемпионати ҳисобланган "Дэвис кубоги" I жаҳон гуруҳи плей-офф босқичидаги иштирокини ғалаба билан бошлади.

Ҳозиргина Босния ва Герцеговинага қарши кечаётган баҳснинг илк учрашуви якунига етди. Унда мамлакатимизнинг биринчи ракеткаси Ҳумоюн Султонов меҳмонларнинг иккинчи ракеткаси Мирза Башичга қарши мураккаб учрашув ўтказди. Бир соату 52 дақиқа давом этган баҳсда Ҳумоюн 6/4, 3/6, 7/6(4) ҳисобларида ғалаба қозонди.

Таққослаш учун, Султонов ATP рейтингида 236, Башич эса 563-ўринни эгаллаб турибди. Бироздан сўнг иккинчи жуфтликда иккинчи ракеткамиз Сергей Фомин Босниянинг биринчи рақамли теннисчиси, тажрибали Дамир Жумҳурга қарши баҳс олиб боради.