Де Брюйне фаолиятини АПЛнинг бошқа клубида давом эттиришини истисно қилмади

Апрель ойи бошида 33 ёшли бельгиялик футболчи мавсум якунида "Манчестер Сити"ни тарк этишини эълон қилганди. У 2015 йилдан бери "шаҳарликлар" сафида ўйнамоқда.

"Ҳа, келажагим ҳақида клублар билан музокаралар олиб боряпман. Қандай қарор қабул қилинишидан қатъи назар, яхши футбол ўйнашни хоҳлайман. Англияда қолиш? Ким таклиф қилишига боғлиқ. Менинг оилам ва болаларим бор, шунинг учун ҳаммани қониқтирадиган мураккаб қарор қабул қилишим керак", - деди де Брюйне.

Де Брюйне жорий мавсум барча турнирлар доирасида 38 та ўйинда майдонга тушиб, 6 та гол урди ва 8 та голли узатмани амалга оширди. У "шаҳарликлар" сафида жами 420 та ўйинда 108 та гол ва 177 та голли узатмани амалга оширган.