05 авг 13:43
Янгиликлар

Теннис

Дель Потродан устун келган Фоньини Лос-Кабосда чемпион бўлди

Мексиканинг Лос-Кабос шаҳрида теннис бўйича нуфузли ATP турнири якунланди.

Ҳал қилувчи финал учрашувида италиялик Фабио Фоньини аргентиналик Хуан Мартин Дель Потрога қарши кортга чиқди. Бир соату 19 дақиқа давом этган баҳсда Фабио дунёнинг 4-ракеткасини 6:4, 6:2 ҳисобида мағлуб этишнинг уддасидан чиқди.

Ушбу муваффақиятли иштирок ATP рейтингида 15-ўринни эгаллаб турган Фоньинига 127 635 доллар мукофот пули ҳамда 250 рейтинг очкосини тақдим этди. Италиялик теннисчи илк бор номдор рақибидан устун келди. Бундан аввалги ўзаро учрашувларнинг учтасида Потро зафар қучган эди.