Дэн Хукер Арман Царукян жароҳат олганини айтмоқда + ФОТО

Бу ҳақда янги зеландиялик жангчи The Maclife нашрига берган интервьюсида маълум қилди. Арман октагонга юз фоиз формада чиқмаслиги мумкин, чунки у йил бошида Ислам Махачевга қарши жанги бекор қилинишига сабаб бўлган бел жароҳатига яна дуч келган, деб  ҳисобламоқда Хукер.

"Билмадим, балки буни яширишаётгандир. У яшаётган меҳмонхонага массаж учун борган дўстим Царукян билан ишлаган уқаловчи (массажист) жароҳат олган бел қисмига енгилгина массаж олганини гуллаб қўйган. Умид қиламанки, у буни айтгани учун ишдан бўшатилмайди", - деди Хукер.

Хукер россиялик жангчилар ҳақидаги ҳеч қандай фактлар билан тасдиқланмаган ҳикоялари билан машҳур. Аммо бу сафар янги зеландияликнинг маълумотларини Царукян машғулотларига бағишланган видеоблоглардан бири билвосита тасдиқлайди, унда Арман ҳам тасвирланган.