Денис Истомин Бьеллада 1/4 финалга чиқди

"Biella Challenger 80" мусобақасида мамлакатимизнинг биринчи ракеткаси Денис Истомин ҳам муваффақиятли иштирок этяпти. Ҳамюртимиз илк даврада украиналик Илья Марченкони 7:6(7:0), 6:2 ҳисобларида мағлуб этган эди. 

Денис ҳозиргина якунига етган 1/8 финал учрашувида италиялик Стефано Наполитанога қарши кортга чиқди. Бир соату 27 дақиқа давом этган учрашувда Истомин ATP рейтингида 268-поғонадан жой олган Стефанодан 6/3, 6/4 ҳисобларида устун келди. 

Бу теннисчиларнинг ўзаро ўтказган илк учрашуви эди. Денис баҳс давомида 5 та, Наполитано эса 7 та эйс зарбасини амалга оширди. Теннисчимизнинг чорак финалдаги рақиби турнирнинг иккинчи ракеткаси Кристофер О`Конелл бўлади. Ҳозиргина якунига етган учрашувда Кристофер аргентиналик Хуан Пабло Фиковични 5/7, 6/4, 6/1 ҳисобларида енгди.