02 фев 20:42
Янгиликлар

Теннис

Денис Истомин: "Биз бу мусобақада ўнинчи марта кортга чиқяпмиз. Шундай экан, ҳаммаси жойида"

Денис Истомин эртанги ўйин олдидан ўз фикрларини билдириб ўтди.

Эртага Дэвис Кубоги саралаш босқичи доирасида Ўзбекистон терма жамоаси АҚШга қарши ўйнайди. Мазкур ўйинларда жамоани сардор сифатида Денис Истомин бошлаб чиқиши маълум бўлди. Истомин бугунги матбуот анжуманида эртанги ўйинга тайёргарлик, шунингдек таркибдаги ёш теннисчилар ҳақида фикр билдирди.

"Биз бу мусобақада ўнинчи марта кортга чиқяпмиз, шундай экан ҳаммаси жойида. Қандай кортда ўйнашимиз муҳим эмас. Ёш авлод ҳақида гапирадиган бўлсам, уларда ўзларига озгина ишонч бўлиши керак. Улар ҳозир энг яхши теннисчиларни енгиш имконига эга", - дейди жамоанинг янги сардори.

Эртага иккита яккалик баҳси ўтказилади ва унда Ҳумоюн Султонов Томми Полга, Сергей Фомин эса Маккензи Макдоналдга қарши кортга чиқади. Баҳслар 13:00 да бошланади.