16 окт 09:41
Янгиликлар
Бокс/ММА
Деонтей Уайлдер иштирокидаги жанг биринчи раунддаёқ якунланди ФОТО + ВИДЕО
Бироз аввал АҚШнинг Нью-Йорк шаҳрида навбатдаги профессионал бокс кечаси якунига етди.
Premier Boxing Champions оқшомининг марказий жанги супероғир вазн тоифасида собиқ жаҳон чемпиони, америкалик панчер Деонтей Уайлдер (43-2-1, 42 КО) ҳамда финляндиялик 38 ёшли Роберт Хелениус (31-4, 20 КО) ўртасида ўтказилди.
Рақибидан 17 килограмм (Уайлдер 97,3 кг, Хелениус 114,2 кг) енгилроқ бўлган Деонтей биринчи раунднинг ўзида Робертни чуқур нокаутга учратиб, камарлар жангига қайтганини амалда исботлади. Ушбу ғалаба эвазига у WBC чемпионлик камари учун расмий даъвогарга ҳам айланди.
Эслатиб ўтамиз, Уайлдер охирги марта 2021 йилнинг октябрь ойида Тайсон Фьюрига қарши рингга кўтарилган ва 11-раундда нокаут билан ютқазганди. Хелениус эса сўнгги бор 2021 йил октябрь ойида Адам Ковнацкини муддатидан олдин мағлубиятга учратган эди.
Ҳавола :
Манба : getty
Фикрлар