Деонтей Уайлдер: "Қанча кўп мағлубиятга учрасанг, жанг учун шунча кўп танловинг бўлади"

"Ҳозир биз музокара олиб боряпмиз. Жараён жуда яхши кетмоқда. Ишонаман ва дуо қиламанки, биз буни уддалай оламиз. Биз мухлисларга улар кўришни истаган нарсани тақдим этамиз.

Ҳозир улар мени дўппослаш мумкин деб ҳисоблашади. Лекин шуни унутмангки, менинг  кучли зарбам ҳеч қаерга кетмаган. Мен буни биламан. Мағлубиятинг қанча кўп бўлса, танловинг ҳам шунча кўп бўлади. Ғалаба қозонганингда эса, сенга қарши рингга чиқишни хоҳловчилар умуман бўлмайди", - дея Уайлдернинг сўзларини келтиради BoxingScene портали.

Аввалроқ Александр Усик Деонтей Уайлдер билан учрашиш истагини унинг супероғир вазн тоифасидаги энг машҳур боксчилар қаторига кириши ва узоқ вақт давомида ушбу вазндаги энг хавфли боксчилардан бири ҳисоблангани билан изоҳлаганди.

Эслатиб ўтамиз, Уайлдер сўнгги жангларида нафақат Тайсон Фюрига, балки Жозеф Паркер ва Чжан Чжилейга ҳам ютқазди.