24 дек 14:12
Янгиликлар

Бокс/ММА

Дерек Чисора: "Жейк Пол чемпионлик камарини қўлга кирита оладими? У сотиб олиши мумкин"

Британиялик супероғир вазн тоифаси вакили Дерек Чисора блогер Жейк Полнинг профессионал боксдаги чемпионлик истиқболларига баҳо берди.

"Пол жаҳон чемпионлик камарини қўлга кирита оладими? Боксда бўлаётган воқеаларга қараб, уни сотиб олиши мумкин, деб ўйлайман. Сен WBC ташкилоти ҳамда бу йигитларнинг барчасига камар олишни хоҳлаётганингни айтишинг мумкин. Улар эса таклифни эшитиб, шунчаки жойни бўшатишади", - деди Чисора.

Эслатиб ўтамиз, ёзда Жейк Пол кичик Хулио Сезар Чавесни очколар ҳисобига кўра мағлуб этганди. Шундан сўнг, WBA шоуменни биринчи оғир вазн тоифасидаги энг яхши боксчилар рейтингида 14-ўринга қўйди.

Ўтган ҳафта Пол супероғир вазн тоифасида собиқ жаҳон чемпиони Энтони Жошуага олтинчи раундда нокаут билан ютқазди. Жанг Майамида бўлиб ўтди. Жангдан сўнг Жейк жағ суягининг икки марта синиши ташхиси билан касалхонага ётқизилди.