26 мар 11:23
Янгиликлар

Бокс/ММА

Дэвид Бенавидес - Калеб Плант жанги тўлиқ давом этди

АҚШнинг Невада штати Лас-Вегас шаҳрида профессионал бокс кечаси бўлиб ўтди.

Оқшомнинг асосий жангида иккинчи ўрта вазн тоифасида вақтинчалик WBC чемпиони Дэвид Бенавидес шу вазнда собиқ жаҳон чемпиони Калеб Плантга қарши рингга кўтарилди.

Ушбу жанг ғолиби иккинчи ўрта вазнда мутлақ жаҳон чемпиони, мексикалик Сауль "Канело" Альваресга қарши рингга кўтарилиш ҳуқуқини қўлга киритиши билан ҳам аҳамиятли эди. Ўн икки раундга мўлжалланган жанг тўлиқ давом этди ва ғолиб ҳакамлар қарорига кўра аниқланди.

Плант жангни фаоллик билан бошласа-да, якун Бенавидес томонида бўлди. Ҳакамлар 117-111, 116-112, 115-113 ҳисобида Дэвиднинг ғалабасини қайд этишди. Бу билан Бенавидес ўз камарини муваффақиятли ҳимоя қилди.