16 окт 10:02
Янгиликлар

Бокс/ММА

Дэвин Хэйни vs Жорж Камбосос. Мутлақ чемпионлик учун реванш жанги тўлиқ 12 раунд давом этди

Кеча тунда Австралиянинг Мельбурн шаҳридаги "Rod Laver Arena"да узоқ кутилган профессионал бокс кечаси ўтказилди.

Оқшом доирасидаги қизиқарли жанг реванш мақомида бўлиб, унда енгил вазн (61,2 кг) тоифасида мутлақ жаҳон чемпиони, америкалик Дэвин Хэйни ҳамда австралиялик собиқ жаҳон чемпиони Жорж Камбосос ўртасида кечди.

Ўн икки раундга мўлжалланган жанг тўлиқ давом этди ва якунда ҳакамларнинг якдил қарори (119:109, 118:108, 118:108) билан Хэйни ғалаба қозонди. Дэвин реванш жангида ҳам Камбососдан устун келди. Июнь ойида ўтган илк жангда ҳам Хэйни очколар ҳисобига кўра ғалаба қозонган ҳамда мутлақ жаҳон чемпионига айланган эди.