27 ноя 07:56
Янгиликлар
Теннис
Дэвис Кубоги. Франция - 10 карра кубок соҳиби!
Теннис бўйича норасмий жаҳон чемпионати ҳисобланган Дэвис Кубогининг бу йилги соҳиби номи маълум бўлди.
Франциянинг Лилль шаҳрида ўтказилган ҳал қилувчи финал учрашувида Франция ва Бельгия терма жамоалари ўзаро тўқнаш келишди. Бешта баҳсдан иборат финал якунида французлар 3:2 ҳисобида ғалаба қозониб, ушбу мусобақанинг 10 карра чемпионларига айланишди.
Ғолиб номини аниқлаб берган ҳал қилувчи учрашувда дунёнинг 18-ракеткаси Люка Пуй рейтингда 76-ўринни эгаллаб турган Стив Дарсисни 6:3, 6:1, 6:0 ҳисобида мағлуб этиб, жамоасига кубокни тақдим этди.
Дэвис Кубогининг 10 карра чемпионига айланган Франция терма жамоаси сўнгги бор 2001 йилда ушбу мусобақа чемпиони бўлган эди. АҚШ терма жамоаси энг кўп - 32 маротаба Дэвис Кубогига эга чиққан. Австралияда 28та титул бор.
Ҳавола :
Фикрлар