Дэвис Кубоги. Истоминсиз ўтаётган Ливан - Ўзбекистон баҳсининг биринчи кунидан сўнг ҳисоб тенг

Фаррух Дўстов сардорлигидаги теннисчиларимиз Жуния шаҳрида Ливан терма жамоаси меҳмони бўлишяпти. Кеча старт олган баҳсларда мамлакатимизнинг биринчи ракеткаси Денис Истомин иштирок этмаяпти. У айни пайтда Туркиянинг Истанбул шаҳрида ўтаётган турнирда муваффақиятли қатнашяпти. 

Ливан - Ўзбекистон учрашувини Санжар Файзиев ва Ҳади Ҳабиб бошлаб берди. Бир соату 32 дақиқа давом этган ушбу баҳсда Санжар рақибини 6:4, 6:4 ҳисобида мағлуб этди. Ҳумоюн Султонов эса Бенжамин Ҳасанга 6:2, 3:6, 5:7 ҳисобида ютқазиб қўйди. 

Бугун жуфтлик ҳамда иккита яккалик баҳсларида ғолиблар аниқланади. Яккаликда Бенжамин Ҳассан Санжар Файзиевга, Ҳади Хабиб эса Ҳумоюн Султоновга қарши кортга чиқади.