14 сен 19:56
Янгиликлар

Теннис

Дэвис Кубоги. Ливан - Ўзбекистон 2:3. Каримов жамоамизни кейинги босқичга олиб чиқди

Теннис бўйича Ўзбекистон терма жамоаси Дэвис Кубогининг Осиё-Океания минтақаси саралаш босқичида қийин ғалабага эришди.

Фаррух Дўстов сардорлигидаги теннисчиларимиз Жуния шаҳрида Ливан терма жамоаси меҳмони бўлишди. Кеча старт олган баҳсларда мамлакатимизнинг биринчи ракеткаси Денис Истомин иштирок этмади. У айни пайтда Туркиянинг Истанбул шаҳрида ўтаётган турнирда муваффақиятли қатнашяпти.

Ҳозиргина Ливан - Ўзбекистон қарама-қаршилигидан ўрин олган сўнгги учрашув якунланди. Унда истеъдодли теннисчимиз Жўрабек Каримов Ҳади Ҳабибни 6:4, 1:6, 6:1 ҳисобида доғда қолдирди ва Ўзбекистон терма жамоасини кейинги босқичга олиб чиқди.