14 сен 12:01
Янгиликлар

Теннис

Дэвис Кубоги. Ўзбекистон - Эстония. Ҳисобда олдинга чиқиб олдик

Хабар берганимиздек, шу кунларда пойтахтимизда теннис бўйича норасмий жаҳон чемпионати ҳисобланган Дэвис Кубоги доирасидаги Ўзбекистон - Эстония учрашуви бўлиб ўтмоқда.

II Жаҳон гуруҳи доирасидан ўрин олган ушбу қарама-қаршиликда бугун жуфтлик ҳамда яккалик баҳслари ўтказилмоқда.

Кечаги кунги баҳслардан сўнг ҳисоб 1:1 кўринишига келганди. Бироз аввал жуфтлик учрашуви якунига етди. Унда Ҳумоюн Султонов ва Сергей Фомин жуфтлиги Марк Лайал ҳамда Кристиан Там ҳамкорлигига қарши кортга чиқиб, ортиқча қийинчиликсиз ғалаба қозонди - 6/0, 6/4.

Шу тариқа, Ўзбекистон терма жамоаси 2:1 ҳисобида олдинга чиқиб олди. Айни дақиқаларда Ҳумоюн Сулонов яккалик учрашувида Марк Лайалга қарши баҳс олиб бормоқда.