10 сен 10:24
Янгиликлар

Теннис

Дэвис Кубоги. Ўзбекистон терма жамоаси Шотландияга йўл олмоқда

14-16 сентябрь кунлари Шотландиянинг Глазго шаҳрида Девис Кубоги плей-офф баҳслари доирасидаги Буюк Британия - Ўзбекистон учрашуви бўлиб ўтади.

Дэвис Кубоги эркаклар терма жамоалари ўртасидаги норасмий жаҳон чемпионати ҳисобланади. Кеча Чикагодаги турнирда бош мукофотни қўлга киритган Денис Истомин энди Глазгога йўл олади.

Шунингдек, Ўзбекистон терма жамоаси таркибидан Жўрабек Каримов, Ҳумоюн Султонов, Санжар Файзиев ва Фаррух Дўстов жой олган. Терма жамоа мураббийи ва сардори Петр Лебед.

Буюк Британия терма жамоаси таркиби эса қуйидагича кўринишга эга: Кэмерон Норри, Жей Кларк, Дэниэл Эванс, Жейми Маррей, Доминик Инглот. Юлдуз теннисчи Энди Маррей жароҳат сабаб иштирок этмайди. Терма жамоа сардори - Леон Смит.

Буюк Британия - Ўзбекистон учрашуви Глазго шаҳридаги "Эмирейтс" аренасида, хард кортларда ўтказилади. Жамоалар шу кунгача ўзаро ўйин ўтказишмаган.