29 сен 10:47
Янгиликлар

Теннис

Девис Кубоги. Уругвай мағлуб этилди, бугун Венгрияга қарши ўйнаймиз

Венгрия пойтахти Будапешт шаҳрида теннис бўйича терма жамоалар ўртасидаги норасмий жаҳон чемпионати - Дэвис Кубоги бўлиб ўтмоқда.

Ўн олти ёшгача бўлган теннисчилар ўртасидаги ушбу нуфузли мусобақада Ўзбекистон ўсмирлар терма жамоаси ҳам иштирок этяпти. Вакилларимиз “В” гуруҳининг уччала учрашувида ҳам мағлубиятга учрашганди. Теннисчиларимиз Бразилия, Буюк Британия ва АҚШ терма жамоаларига ютқазишди.

Кеча 9-ўрин учун ўтказилган баҳсда ҳамюртларимиз Уругвай терма жамоасидан 2:1 ҳисобида устун келишди. Бугун теннисчиларимиз мезбонлар Венгрия терма жамоасига қарши кортга чиқишади. Терма жамоамиз таркибидан Иброҳимжон Ўринов, Азизжон Дадабоев ва Олимжон Набиев ўрин олган.