Дилшодбек Баратов жаҳон чемпионати кумуш медали совриндори!

-60 кг вазн тоифасида юртимиз шарафини ҳимоя қилган Дилшодбек Баратов финалга қадар мағлубиятсиз етиб келиб, фаолиятида илк бор жаҳон чемпионатининг кумуш медали соҳиби ҳамда қимматли 1400 рейтинг (Париж-2024 Олимпиадаси учун 700) очкоси эгаси бўлди. 

У ҳал қилувчи финал беллашувида испаниялик Франциско Гарригосга имкониятни бой бериб қўйди. Гарригос 1/2 финалда япониялик Олимпиада чемпиони Такатони чиройли усул билан мағлуб этган эди. 

Маълумот учун, Баратов дастлаб мўғулистонлик Ариунболд Энхтайвиндан Тошкентдаги жаҳон чемпионати ярим финали, ундан сўнг жаҳон чемпиони, икки карра Олимпиада совриндори қозоғистонлик Елдос Сметовдан бронза медали учун баҳсдаги  мағлубиятлар учун реванш олди. Чорак финалда марокашлик Йонес Саддики, ярим финалда эса белгиялик Йорре Верстрайтендан устун келганди.