Дилшодбек Рўзметов: Финалдаги рақибимни биринчи марта кўришим эди

«Ҳиссиётлар бир олам. Ўзбекистон чемпионатини Осиё ва Европа даражасида деб айтишим мумкин. Бу мусобақада жуда кучли боксчилар рингга кўтарилади. Финалдаги рақибим кутилмаганда финалга чиқди, шу сабабли унинг жангини ўрганмаган эдим. Бироқ у анча кучли ва тезкор жанг ўтказди. Мураббийим билан яхши ишладик ва бугунги учрашувда ғалаба қозондим. 

Финалдаги рақибим билан биринчи марта жанг қилишим эди, шу сабабли унинг қандай услубда ҳаракат қилишини билмас эдим. Ҳозирда Ўзбекистонда кўплаб кучли боксчилар бор. Улар бизга жиддий равишда қаршилик кўрсатишмоқда. Энди навбат Олимпия ўйинларига", - деди Дилшодбек Рўзметов.