Димитров Brisbane International бош соврини учун кортга чиқади

Дунёнинг 14-ракеткаси Григор Димитров турнирнинг финалига йўл олди. Болгариялик тажрибали теннисчи 1/2 финалда ATP рейтингида 55-ўринни эгаллаб турган австралиялик Жордан Томпсонни 6/3, 7/5 ҳисобларида мағлубиятга учратди.

Теннисчиларнинг ўзаро учрашувларида Григор ҳисобда олдинга чиқиб олди - 2:1. Бир юз етти дақиқа давом этган баҳсда Димитров 10, Томпсон 5 та эйс зарбасини амалга оширган. Энди Григор бош соврин учун турнирнинг биринчи ракеткаси, даниялик Хольгер Рунега қарши кортга чиқади. 

Маълумот учун, бугунги финал болгариялик учун фаолиятидаги 18-финал бўлади. У 2017 йилдан бери турнирларда соврин юта олмаяпти.