Диёра Келдиёрова Словенияда машғулотларга киришди + ФОТО

Татамида дунёнинг турли бурчакларидан келган энг кучли дзюдочилар жам бўлган. 

Ўзбекистон терма жамоаси етакчиси учун ушбу йиғин мавсумдаги асосий халқаро мусобақаларга тайёргарликнинг муҳим босқичларидан бири бўлиб, жаҳон дзюдосининг етакчи спортчилари билан интенсив машғулотлар ва спарринглар ўтказиш имконини бермоқда.

Ҳозирча Диёра Келдиёрованинг қайси мусобақадан рестарт қилиши номаълум. У Париж-2024 Олимпиадасидан кейин ҳали мусобақаларда иштирок этмади. Фарзанд тарбияси билан машғул бўлган Диёра аввалига индивидуал, энди эса умумий машғулотларга қайтди.

Олдинда сентябрь ойида Японияда ўтказиладиган Осиё ўйинлари ҳамда Боку шаҳри мезбонлик қиладиган Жаҳон чемпионати бор. Келдиёрованинг ўзи шу йил катта спортга қайтишини айтган эди.