Дмитрий Бивол: "Асосийси чемпионлик камари, рақиб эмас!"

"Мен аллақачон реванш масаласини муҳокама қилишимиз мумкин, бу масалада муаммо йўқ деганман. Менежерим ва промоутеримга олдинга силжишни, бошқа чемпионлик камарлари учун жанг қилишни хоҳлаётганимни айтдим. Канело билан навбатдаги жанг... Лекин мен бошқа камар учун курашишни афзал кўраман.

Асосийси камар, рақиб эмас! Бугун чемпион Бетербиев, эртага балки Ярд ёки бошқаси бўлиши мумкин. Албатта, ҳар қандай яхши профессионал боксчи мутлақ чемпион бўлишни хоҳлайди. Камарлар пулдан муҳимроқ, чунки улар билан кўпроқ пул ишлашим мумкин. Тўғри, пулни яхши кўраман. Лекин фақат пул ҳақида ўйлаганимда, бу ерда бўлмас эдим. Мен жанг қилдим, чунки бу менга керак эди", - деди Бивол.