Дмитрий Бивол Хильберто Рамирес билан жанг қилиши мумкин

"Бу узоқ муҳокама қилинган. Ушбу жангни кейинги йил амалга оширишга ишоняпмиз. Умид қиламизки, карантин чоралари ва вирус билан боғлиқ ҳолат барқарорлашади. Биз эса барча режаларимизни амалга ошириш имконига эга бўламиз", - деди Дмитрий Биволнинг менежери Вадим Корнилов.

Эслатиб ўтамиз, 30 ёшли Дмитрий Бивол ўзининг камарини ўтган йили ноябрь ойида ҳимоя қилган эди. Шундан бери боксчи рингга чиққани йўқ. Хильберто Рамирес эса ҳозир эркин агент ҳисобланади.