Дмитрий Крамаренко "Ҳумо" билан ўйиндан сўнг: Ҳужумда рақибга тўлиғича имкониятни бой бердик

"Ютқаздик. Ҳужумда рақибга тўлиғича имкониятни бой бердик, ҳудди ҳимоядаги каби. Кўпчилик қолганимизда ҳам ёмон ўйнадик. Афсуски, биз ҳозирча бундай зарбаларни қабул қила олмаяпмиз. 

-Сизда жуда ажойиб дарвозабон бор. Нима учун бундалик кам очко жамғаргансизлар? Сизларга нима ҳалал бермоқда?

-Дарвозабон - 70 фоиз натижа дегани. Айтиб ўтганимдек, биз зарбани кўтара олмаяпмиз. Бугун гол ўтказиб юборгандан сўнг ҳам вазиятни ўзгартира олмадик. Жамоавий рух йўқ. Ҳар қандай вазиятда рақибга "йўқ" дейдиган жанговар таркиб йўқ. Мана шу энг асосий сабабдир. 

-Жамоавий рух ҳақида гапирдингиз. Жамоа учинчи голни ўтказиб юборди. Шундан сўнг хоккейчингиз қўпол хато қилди ва тўртинчи шайба киритилди. Сабаб борми: ёш ёки тажриба етмаяптими? Иккинчи саволим, жамоада таркибни кучайтириш бўйича имкониятлар қандай?

-Биз шошма-шошарлик билан, таркибни кучайтириш орқали муаммони ҳал қилиш тарафдори эмасмиз. Жамоавий рух ҳақида гапирсак, ёшликда ҳам, тажрибада ҳам гап кўп. Ҳозирча улар ягона ғоя атрофида бирлаша олишмаяпти, бунинг учун улар жуда кўп вақт бирга бўлишлари керак. Улар жипслашмагунга қадар ғалабалар бўлмайди", - деди меҳмонлар мураббийи.