Дос Аньос Махачев ҳақида: Хайп қилишни йиғиштиринглар

Бразилиялик тажрибали жангчи Ислам атрофида бўлаётган ажиотаж, уни сунъий равишда кўтаришга бўлаётган ҳаракатлардан норози эканини очиқ-ойдин ошкор қилди. Дос Аньоснинг бундай кескин фикр билдиришига ESPN MMA "Инстаграм" саҳифасида қолдирилган пост сабаб бўлган. Видео кўринишидаги мулоқотда Даниэль Кормье Исламни дивизионнинг "энг хавфли жангчиси" деб атаганди.

"Ислам эндигина Топ жангчи бўлишга даъвогарлардан бирини мағлуб этди. Бенейл Дариуш ҳам Дрю Добердан устун келганди. Лекин у ҳақида ҳеч ким лом-мим демади. Махачевни хайп қилишни, сохта пяр қилишни бас қилинглар", — дея видео остида хабар қолдирган дос Аньос.

Эслатиб ўтамиз, Ислам Махачев якшанба тонгида Лас-Вегас шаҳрида ўтказилган UFC 259 турнири доирасида Дрю Доберни бўғиш усули билан мағлубиятга учратган эди.