Достон Бозоров, Амирхон Алихўжаев, Шоҳасан Мирзаматов ва бошқалар жанг қилган Octagon 72 турнирининг барча натижалари битта саҳифада

Мусобақанинг марказий беллашувида енгил вазн тоифасининг ўзбекистонлик чемпиони Достон Бозоров ўз камарини Тожикистон вакили Фазлиддин Мадраҳимовдан ҳимоя қилди.

Иккинчи асосий беллашувда эса Амирхон Алихўжаев бразилиялик Мануэль дос Сантос билан тўқнаш келди. Шунингдек, мусобақа доирасида Шоҳасан Мирзаматов, Аҳлиддин Мирзадавлатов каби спортчиларимиз октагонга кўтарилишди. Мазкур саҳифа орқали турнирда қайд этилаётган натижалардан онлайн равишда бохабар бўлиб боришингиз мумкин бўлди (ғолиблар қорайтирилган ҳолда ёзиб борилди).

Асосий кард:

Марказий жанг, енгил вазн чемпионлиги учун: ДОСТОН БОЗОРОВ - Фазлиддин Мадраҳимов (Тожикистон), (Очколар ҳисобига кўра);

Енгил вазнда: АМИРХОН АЛИХЎЖАЕВ - Мануэль дос Сантос (Бразилия), (1-раундда КО-ТКО); 

Келишилган вазнда: ШОҲАСАН МИРЗАМАТОВ - Абилкассим Якубов (Қирғизистон), (1-раундда КО-ТКО); 

Енгил вазнда: ҲУСАНБОЙ ОТАБОЕВ - Саят Абдуали (Қозоғистон), (2-раундда бўғиш усули билан); 

Енгил вазнда: АҲЛИДДИН МИРЗАДАВЛАТОВ - Лучиано Палхано (Бразилия), (Очколар ҳисобига кўра); 

Ярим ўрта вазнда: САЙДАТХОН НУРИДДИНОВ - Эмин Шарифов (Озарбайжон), (3-раундда КО-ТКО);  

Енгил вазнда: АСАДБЕК ҚОХОРОВ - Фарҳод Давлатов (Тожикистон), (2-раундда КО-ТКО);

Енгил вазнда: ОҒАБЕК "САТУРН" АБДУМЎМИНОВ - Марселен Каматэ (Қозоғистон), (Рақиб 2-раундда жароҳат туфайли жангни давом эттира олмади).  

Прелим кард:

Шоу жанги: ЭРАЛИ БОЙҚОБИЛОВ - Бобочони "Родной" Холмурод (Тожикистон), (Очколар ҳисобига кўра); 

Енгил вазнда: АБДУМАЛИК ЁРБЎТАЕВ - Михаил Жумаев (Қозоғистон), (2-раундда КО-ТКО); 

Энг енгил вазнда: ҚАҲРАМОН ТУРСУНБОЕВ - Бекдаулет Корганбай (Қозоғистон), (Очколар ҳисобига кўра);  

Энг енгил вазнда: АББОС ҲАЙДАРОВ - Достонбек Маҳамматжонов (Қирғизистон), (1-раундда оғритиш усули);

Ўта енгил вазнда: БЕҲРУЗ ИСРОИЛОВ - Артур Нурдунов (Қирғизистон), (Очколар ҳисобига кўра);

Ярим енгил вазнда: Сайфуллоҳ Мамасаидов (Қирғизистон) - Нурсултан Оспан (Қозоғистон), (1-раундда сабмишен);

Ўрта вазнда: ЧИНГИЗ ТЎРАЕВ - УЛУҒБЕК РИХСИБОЕВ, (1-раундда КО-ТКО).