"Драго" Волковнинг UFC`даги навбатдаги жанги тасдиқланди + ПОСТЕР

У 1 июнь, ёз фаслининг биринчи куни АҚШнинг Ньюарк (Нью-Жерси) шаҳрида ташкил этиладиган UFC 302 турнири доирасида октагонга чиқади. "Драго"нинг рақиби бразилиялик Жаилтон Алмейда бўлади.

Маълумот учун, 35 ёшли Александр Волков муддатидан аввал қўлга киритилган учта ғалабали серия билан келмоқда. У Жаирзиньо Розенстрайк ва Александр Романовни нокаутга учратди. Таи Туивасани эса бўғиш усули билан таслим этди.

Бразилиялик 32 ёшли Жаилтон Алмейда эса сўнгги жангида UFC промоушенидаги илк мағлубиятини қабул қилиб олди. Кертис Блэйдс иккинчи раундда Жаилтонни нокаутга учратишга муваффақ бўлганди. Бу мағлубиятигача у 6 та ғалабали серия билан келаётганди. Ана шу жанглардан 5 тасини у муддатидан олдин расмийлаштирганди. 

Айни пайтда Александр Волков оғир вазнлиларнинг UFC рейтингида олтинчи, Жаилтон Алмейда эса еттинчи ўринни эгаллаб турибди.