Дуатлон баҳслари ўтказиладиган югуриш йўлаклари ҳолати ўрганилди

Мазкур чемпионатни юқори даражада ўтказиш, иштирокчилар хавфсизлиги масалалари кўп жиҳатдан вело ва югуриш йўлакларини ҳолатига ҳам боғлиқ.

Кеча Жисмоний тарбия ва спорт вазири ўринбосари Авазжон Каримов ва Ўзбекистон Триатлон федерацияси ишчи гуруҳи биргаликда мусобақалар бўлиб ўтадиган Халқлар дўстлиги майдони, Бешёғоч, Байналминал кўчаларида бўлиб шароитлар билан яқиндан танишди. Ишчи гуруҳ томонидан қилиниши лозим бўлган ишлар белгилаб олинди.

Маълумот учун: Дуатлон спорт тури югуриш, велопойга ва қисқа масофага югуриш баҳсларини ўз ичига олади. Дуатлон мусобақалари Триатлон федерацияси томонидан ўтказиб келинади.

8 ноябрь куни бўлиб ўтадиган чемпионат баҳсларида 100 нафарга яқин спортчи 1-босқичда 5 км, 3-босқичда 2,5 км масофага югурса, 2-босқичда 20 км масофага велопойга синовларида куч синашади.