20 фев 14:00
Янгиликлар

Теннис

Дубай (WTA). Дунёнинг биринчи ракеткасида кетма-кет учинчи мағлубият

БААнинг Дубай шаҳрида теннис бўйича WTA 1000 тоифасига кирувчи нуфузли турнир бўлиб ўтмоқда.

Кутилмаганда сайёрамизнинг биринчи ракеткаси Арина Соболенко учинчи давра баҳсида имкониятни бой бериб қўйди. Беларуслик теннис маликаси рейтингнинг 38-поғонасида бораётган даниялик Клара Таусонга 3/6, 2/6 ҳисобида ютқазди. Таусон теннисчиларнинг ўзаро учрашувларидаги ҳисоб мувозанатини ҳам тиклаб қўйди - 1:1.

Саксон уч дақиқа давом этган баҳсда Соболенко 3, Таусон 7 та эйс зарбасини амалга оширган. Арина сўнгги 4 та учрашувининг 3 тасида мағлубиятга учради. Бу унинг кетма-кет учинчи мағлубияти бўлди. Энди Таусон 1/4 финалда дунёнинг 35-ракеткаси чехиялик Линда Носковага қарши кортга чиқади.