Дунёнинг 10-ракеткаси финал остонасида тўхтатилди

Хабар берганимиздек, қозоғистонлик Александр Бублик финал йўлланмасини қўлга киритган эди. Кутилмаганда иккинчи ярим финал баҳсида дунёнинг 10-ракеткаси бўлиб турган Хуберт Гуркач мағлубиятга учради. 

Польшалик теннисчи роппа-роса 100 дақиқа давом этган учрашувда рейтингнинг 65-поғонасидан жой олган италиялик Лоренцо Сонегога имкониятни бой бериб қўйди - 6/7(5), 4/6. Теннисчиларнинг ўзаро учрашувларида Сонего ҳисобни ўз фойдасига оширди - 4:2.