06 июл 13:32
Янгиликлар

Теннис

Дунёнинг 103-ракеткаси "Уимблдон" 1/2 финалида

Лондонда давом этаётган теннис бўйича "Катта Дубулға" туркумига кирувчи "Уимблдон" турнири кутилмаган натижаларга ҳам бой бўлмоқда.

Жумладан, аёллар ўртасидаги мусобақанинг ярим финалига WTA рейтингида 103-поғонадан жой олиб турган Татьяна Мария етиб келди. Германиялик теннисчи чорак финал учрашувида ватандоши, рейтингнинг 97-поғонасида бораётган Жули Нимайердан устун келди - 4/6, 6/2, 7/5.

Бир юз қирқ дақиқа давом этган учрашувда Мария 4, Нимайер эса 3 та эйс зарбасини амалга оширган. Бу ҳамюртларнинг ўзаро ўтказган илк учрашуви эди. Энди у 1/2 финалда дунёнинг иккинчи ракеткаси, тунислик Онс Жаберга қарши кортга чиқади.