20 янв 21:16
Янгиликлар

Теннис

Дунёнинг биринчи ракеткаси учун Australian Open якунланди

Мельбурн шаҳрида ўтказилаётган теннис бўйича "Катта Дубулға" туркумига кирувчи Австралия Очиқ чемпионатининг учинчи даврасида кутилмаган натижа қайд этилди.

Дунёнинг биринчи рақамли теннис маликаси Ига Свёнтек кутилмаганда WTA рейтингида роппа-роса 50-поғонада бораётган чехиялик Линда Носковага 6/3, 3/6, 4/6 ҳисобларида имкониятни бой бериб қўйди. Теннисчиларнинг ўзаро учрашувларидаги ҳисоб тенглашди - 1:1.

Икки соату 22 дақиқа давом этган баҳсда Свёнтек 3, Носкова 9 та эйс зарбасини амалга оширди. Қўшхатолар 1 га 4, брейклар эса 2 га 3 кўринишида Носкова фойдасига бўлди. Энди Линда Australian Open турнирининг тўртинчи босқичида украиналик Элина Свитолинага қарши кортга чиқади.