04 июл 11:32
Янгиликлар

Теннис

Дунёнинг биринчи ракеткаси Уимблдон учинчи даврасида

Буюк Британиянинг Лондон шаҳрида теннис бўйича "Катта Дубулға" туркумига кирувчи Уимблдон турнири давом этмоқда.

Дунёнинг биринчи ракеткаси Янник Синнер иккинчи даврада ATP рейтингида 93-ўринни эгаллаб турган австралиялик Александр Вукични ортиқча қийинчиликсиз мағлубиятга учратди - 6/1, 6/1, 6/3. Бу теннисчиларнинг ўзаро ўтказган учинчи учрашуви бўлди - 3:0.

Тўқсон тўққиз дақиқа давом этган баҳсда Синнер 12, Вукич 3 та эйс зарбасини амалга оширган. Брейклар бўйича мутлақ устунлик италиялик теннисчи томонида - 6 га 0! Янник мавсумаги 21-ғалабасини қўлга киритди. Ҳисобида яна 3 та мағлубият ҳам бор.

Энди Янник Синнер Лондондаги нуфузли турнирнинг учинчи босқичида Педро Мартинесга қарши кортга чиқади. Ўз ўрнида испаниялик теннисчи иккинчи даврада аргентиналик Мариано Навонени қийинчилик билан мағлубиятга учратди - 7/5, 7/5, 7/6(4).