Дунёнинг биринчи ракеткаси янги мавсумнинг 6 ойида қайси турнирларда қатнашиши маълум

Яъни, италиялик ракетка устаси мавсумнинг биринчи қисмида ўзи қатнашадиган турнирлари рўйхатини ошкор қилди. 

Янник январь-май ойларини ўз ичига олган ярим йиллик тақвимдан ўрин олган илк мусобақасини Australian Open`даги иштирокидан бошлайди. "Катта Дубулға" туркумига кирувчи Австралия Очиқ чемпионати 12-26 январь кунлари оралиғида ўтказилади. Олти ойликдаги сўнгги турнири ҳам "Катта Дубулға" туркумига кирувчи "Ролан Гаррос" мусобақаси бўлади.

Янник Синнер қатнашадиган олти ойликдаги турнирлар рўйхати:

• Australian Open (январь)

• ATP 500 Роттердам (февраль)

• ATP 500 Доҳа (февраль)

• Индиан-Уэллс "Мастерс" (март)

• Майами "Мастерс" (март)

• Монте-Карло "Мастерс" (апрель)

• ATP 500 Мюнхен (апрель)

• Мадрид "Мастерс" (апрель)

• Рим "Мастерс" (май)

• "Ролан Гаррос" (май)

Маълумот учун, италиялик теннисчи 2024 йилда жами 84 та учрашув ўтказиб, уларнинг 78 тасида (93%) ғалаба қозонган. Мавсум давомида у 9 та ATP турнирлари бош совринини қўлга киритди. Улар орасида Australian Open ва US Open турнирлари чемпионлигиям бор. Янник 2024 йилда фақат мукофот пулларининг ўзидан тахминан 17 миллион АҚШ доллари ишлаб топди.