Дунёнинг еттинчи ракеткаси якунига етмай қолган баҳс ғолибаси сифатида 1/16 финалга чиқди

Сайёрамизнинг еттинчи ракеткаси Чжэн Циньвэнь иккинчи даврада WTA рейтингида 42-ўринни эгаллаб турган чехиялик Катержина Синяковага қарши кортга чиқди. Биринчи сетни 4/6 ҳисобида бой берган хитойлик теннисчи иккинчи сетда мувозанатни тиклади - 6/3. Ҳал қилувчи учинчи сетнинг биринчи геймида кейин Синякова жароҳат сабаб баҳсни давом эттира олмаслигини маълум қилди - 4/6, 6/3, 1/0, рад.

Учрашув статистикаси

Чжэн - 4 та эйс, 1 та қўшхато, 4 та брейки

Синякова - 2 та эйс, 1 та қўшхато, 3 та брейки

Бу теннис маликаларининг ўзаро ўтказган илк учрашуви эди. Энди Чин юрти вакиласи учинчи босқичда Виктория Азаренкога қарши кортга чиқади. Беларуслик теннисчи иккинчи даврада америкалик Пейтон Стирнсни уч сет натижасига кўра 7/5, 3/6, 6/4 ҳисобларида мағлубиятга учратди.