19 окт 11:20
Янгиликлар

Теннис

Дунёнинг олтинчи ракеткаси Стокгольмда чемпионлигини ҳимоя қила олмади

Швеция пойтахти Стокгольм шаҳрида теннис бўйича ATP турнири давом этмоқда.

Кутилмаганда мусобақанинг амалдаги чемпиони Хольгер Руне ўз иштирокини 1/8 финалдаёқ тўхтатишга мажбур қилинди. Дунёнинг олтинчи ракеткаси бўлиб турган даниялик теннисчи мусобақанинг амалдаги чемпиони ҳисобланарди. У нимчорак финалда ATP рейтингида 53-поғонада бораётган сербиялик Миомир Кечмановичга ютқазиб қўйди - 6/7(3), 2/6.

Бу теннисчиларнинг ўзаро илк учрашуви эди. Бир юз тўрт дақиқа давом этган баҳсда Руне 4, Кечманович 2 та эйс зарбасини амалга оширди. Қўшхатолар Хольгерда 2, Миомирда 1 тани ташкил этди. Брейклар 3 га 1 кўринишда, сербиялик теннисчи фойдасига бўлди. Кечманович фаолиятида тўртинчи бор Топ-10`даги теннисчини мағлуб эта олди.