Dushanbe Grand Slam. Бизни кечки дастурда 1 та олтин, 3 та бронза медали учун баҳс кутмоқда

Терма жамоамиз аъзоларидан 4 нафари кечки финал блокида медаллар учун курашни давом эттиради. Қувонарлиси, -52 кг вазн тоифасида юртимиз шарафини ҳимоя қилаётган Муҳайё Аҳматова финалга етиб келди. У олтин медаль учун кечадиган беллашувда жамоавий баҳсларда икки карра Олимпиада чемпиони, яккаликда кумуш ҳамда бронза медаллари совриндори, франциялик машҳур дзюдочи Амандин Бушарга қарши татамига чиқади.   

Ҳамюртларимиздан Улбусин Ҳакимова (-48 кг), Асадбек Мисиров (-60 кг) ва Артём Штурбабин (-66 кг) Dushanbe Grand Slam турнирининг бронза медали учун баҳс олиб боришади. Финал блоки соат 17:00да бошланади. 

Dushanbe Grand Slam. Финал блоки

Олтин медаль учун

-52 кг: Муҳайё Аҳматова (Ўзбекистон) - Амандин Бушар (Франция)

Бронза медаллари учун

-48 кг: Улбусин Ҳакимова (Ўзбекистон) - Абиба Абужакинова (Қозоғистон)

-60 кг: Асадбек Мисиров (Ўзбекистон) - Ариунболд Энҳтайван (Мўғулистон)

-66 кг: Артём Штурбабин (Ўзбекистон) - Яшар Нажафов (Озарбайжон)