23 фев 15:32
Янгиликлар

Дзюдо

Дюссельдорф. Бобоев кетма-кет иккита ғалабага эришди

Бугун Германиянинг Дюссельдорф шаҳрида ўтказилаётган дзюдо бўйича “Катта Дубулға” туркумига кирувчи нуфузли турнирнинг иккинчи куни.

Ҳамюртларимиздан -73 кг вазн тоифасидаги Ғиёсжон Бобоев кетма-кет икки ғалабага эришди. Дзюдочимиз биринчи босқичда филиппинлик Кейсей Наканони мағлубиятга учратди. Кейин эса канадалик Артур Маргелидондан устун келди.

Бироздан сўнг Бобоев учинчи босқич учрашувида германиялик Антони Зингга қарши татамига чиқади. Зингг Беларусь ва франциялик рақибларини мағлуб этиб, учинчи даврага йўл олган.