23 фев 17:57
Янгиликлар

Дзюдо

Дюссельдорф. Бобоев учинчи учрашувида ютқазди

Хабар берганимиздек, Германиянинг Дюссельдорф шаҳрида дзюдо бўйича “Катта Дубулға” туркумига кирувчи нуфузли турнирнинг иккинчи кунги баҳслари давом этмоқда.

Ҳамюртларимиздан -73 кг вазн тоифасидаги Ғиёсжон Бобоев кетма-кет икки ғалабадан сўнг учинчи беллашувида мағлубият аламини тотиб кўрди. Дзюдочимиз германиялик Антони Зингга имкониятни бой бериб, мусобақадаги иштирокини якунлади.

Эслатиб ўтамиз, у биринчи босқичда филиппинлик Кейсей Накано, иккинчи даврада канадалик Артур Маргелидондан устун келган эди.

Шу тариқа, ўзбекистонлик дзюдочиларнинг Дюссельдорф турниридаги бугунги иштироки ўз ниҳоясига етди. Эртага мусобақанинг сўнгги куни қолган вакилларимиз татамига чиқишади.