16 июл 14:20
Янгиликлар

Футбол

Дзаньоло учун Саудия Арабистонидан супертаклиф келди

"Галатасарой" футболчиси Николо Дзаньоло фаолиятини бошқа жамоада давом эттириши мумкин.

"La Gazzetta dello Sport" хабарига кўра, 24 ёшли футболчига Саудия Арабистонининг "Ал Ҳилол" клубидан 4 йилга мўлжалланган, ҳар мавсумга 30 млн евро маош тўланадиган шартнома таклифи келиб тушди. Ҳозирча бу таклиф оғзаки бўлиб, футболчи бунга розилик билдирса, "Ал Ҳилол" турк клубига расмий таклиф жўнатади.

Дзаньолонинг ўзи бу шартномани кўриб чиқишни истамоқда. 24 ёшли хавбек Саудия Арабистонига кетадиган навбатдаги юлдузли футболчилардан бири бўлиши кутилмоқда.

Эслатиб ўтамиз, "Ал Ҳилол" бунга қадар Рубен Невеш, Калиду Кулибали ва Сергей Милинкович-Савич билан шартнома имзолади. Шунингдек, Александр Митрович билан ҳам музокаралар олиб борилмоқда.