Дзюдо бўйича жаҳон чемпионатининг аралаш жамоавий баҳсларида медаль учун курашадиганлар маълум, Японияда мағлубият

Саралашнинг илк босқичида Туркманистон терма жамоасини 4:0 ҳисобида мағлуб этган дзюдочиларимиз 1/4 финалда Японияга қарши баҳс олиб боришди. Умида Ниғматова Мао Араини, Нурбек Муртазоев Гоки Тажимани мағлубиятга учратиб, терма жамоамизни 2:0 ҳисобида олдинга олиб чиқишди. Афсуски, дзюдо ватани вакиллари камбэк амалга ошириб, кетма-кет 4 та беллашувни ўз фойдаларига ҳал қилишди. 

Япония ярим финалга йўл олди, Ўзбекситон эса бронза медали учун курашни давом эттириш ҳуқуқига эга бўлди. Лекин медаль илинжидаги сўнгги уриниш ҳам омадсиз якун топди. Италия терма жамоаси муросасиз кечган баҳсда 4:3 ҳисобида ғалаба қозониб, кичик финалга чиқди. 

Бироз кутилмаганда Япония терма жамоаси 1/2 финалда Грузияга 2:4 ҳисобида имкониятни бой бериб қўйди. Иккинчи 1/2 финалда Корея Республикаси терма жамоаси Германия дзюдочиларига ҳеч қандай имконият қолдирмади - 4:0. Энди кечки дастурда бронза медаллари учун  Италия - Германия, Бразилия - Япония жуфтликлари ўзаро баҳс олиб боради. Чемпионлик масаласи Грузия ва Корея Республикаси терма жамоалари баҳсида ҳал бўлади.