Дзюдо. Марокаш Гран-Присининг илк кунида иккита олтин!

Қувонарлиси, мусобақанинг дастлабки куни ҳамюртларимиз учун омадли кечди. 

-60 кг вазн тоифасида юртимиз шарафини ҳимоя қилган Шарофиддин Лутфуллаев мусобақа давомида Марокаш, Франция, Туркия, Британия ва Украина вакилларини мағлубиятга учратди ва олтин медалга сазовор бўлди. 

-66 кг вазн тоифасида эса Сардор Нуриллаев олтин медални қўлга киритди. У мусобақа давомида Гвинея-Бисау, Литва вакилларини, шунингдек бошқа бир ҳамюртимиз Шаҳрам Аҳадовни мағлуб этди. Сўнгра Россия ва Миср вакилларидан устун келди ва шоҳсупанинг энг юқори поғонасидан ўрин эгаллади. Мазкур вазн тоифасидаги Шаҳрам Аҳадов бронза медали учун кечган жангда мисрлик полвонга имкониятни бой берди.