Дзюдо. Раҳмон ва Диёра ғалаба билан бошлади ва бошқа натижалар

-60 кг вазн тоифасидаги икки вакилимиз илк давра учрашувини ўтказишди. Кемран Нуруллаев муросасиз баҳсда бразилиялик таниқли дзюдочи Фелипе Китадаига имкониятни бой берган бўлса, Раҳмон Жумаев туркманистонлик рақиби Ҳақберди Жумаевни мағлубиятга учратди. Энди Жумаев иккинчи босқичда британиялик Эшли Мкензиега қарши татамига чиқади. Китадаи эса россиялик россиялик Алберт Огузов билан тўқнаш келади.

Аёллар ўртасида -57 кг вазн тоифасида юртимиз шарафини ҳимоя қилган Амина Мамедова ўз учрашувини якунлади. Биринчи босқичда италиялик Мартина Лога қарши татамига чиққан вакиламиз кучли рақибасига имкониятни бой бериб қўйди. Бу борада Аминага халқаро тажрибанинг бироз камлиги панд бериб қўйди.

-52 кг вазн тоифасида юртимиз шарафини ҳимоя қилаётган Диёра Келдиёрова ўз учрашувини якунлади. Ўсмирлар ўртасида жаҳон чемпиони бўлган Диёра биринчи босқичда италиялик Мартина Кастогноладан устун келди. Келдиёрованинг иккинчи босқичдаги рақибаси мезбонлар вакиласи Гефен Примо бўлади.

-52 кг вазн тоифасида юртимиз шарафини ҳимоя қилаётган яна бир вакиламиз Гулноза Зияева ҳам илк ғалабасига эришди. У испаниялик София Хогрефедан устун келди.

Ўзбекистон дзюдо федерацияси матбуот хизмати