Дзюдо. Тўрт нафар спортчимиздан тўртта медаль, уларнинг учтаси олтин!

Мазкур турнирнинг аҳамиятли томони шундаки, унда Буэнос-Айресда бўлиб ўтадиган III ёзги ўсмирлар Олимпия ўйинларига рейтинг очколари ўйналади.

Ушбу мусобақада ўзбекистонлик ёш спортчилар ҳам иштирок этишмоқда. Эътиборлиси, баҳсларда қатнашган тўрт нафар дзюдочимизнинг барчаси совриндорлар қаторидан жой олишга муваффақ бўлди. Ўғил болалар ўртасидаги баҳсларда Жайҳунбек Назаров (-66кг) олтин, Мақсуд Очилов (-55кг) бронза, қизлар ўртасида эса Нилуфар Ермагамбетова (-52кг) ва Сита Қадамбаева (-48кг) олтин медалларни қўлга киритишди.

Эътиборлиси, айни пайтда ҳамюртларимиздан Сита Қадамбаева ва Нилуфар Ермагамбетова ўз вазн тоифаларида жаҳон рейтингида биринчи ўринда кетмоқдалар.