10 апр 15:20
Янгиликлар

Дзюдо

Дзюдочиларимиз Қозоғистондаги мусобақада 24 та медаль билан умумжамоа ҳисобида биринчи бўлишди!

Қозоғистоннинг Толдиқўрғон шаҳрида 23 ёшгача бўлган дзюдочилар иштирокидаги анъанавий халқаро хотира турнири бўлиб ўтди.

Мусобақада дунёнинг 21 давлатидан келган жами 531 нафар дзюдочи медаллар учун баҳс олиб борди.

Қувонарлиси, ёшлар терма жамоамиз халқаро турнирда 9 та олтин, 8 та кумуш, 7 та бронза, жами 24 та медаль билан умумжамоа ҳисобида 1-ўринни эгаллади. Мусобақа чемпионлари Саъдулла Равшанов (-81 кг), Диёрбек Файзуллаев (-90 кг), Фазлиддин Рафиков (+100 кг), Зарина Жамалова (-48 кг), Нигина Умирзоқова (-52 кг), Моҳинур Аллаберганова (-57 кг), Гулбаҳор Имомназарова (-63 кг), Нигина Сапарбаева (-63 кг) ва Зарина Бобоназарова (+78 кг) шарафига Ўзбекистон давлат мадҳияси янгради.