Дзюдочиларимиз тажрибали ва совриндор спортимиз фахридан қимматли маслаҳат олишди + ФОТО

Самбо бўйича икки карра Европа чемпиони, собиқ Иттифоқ Спартакиадалари ғолиби, тўрт карра Ўзбекистон чемпиони, халқаро тоифадаги спорт устаси, Ўзбекистон самбо Ассоциацияси раиси ўринбосари Феруз Агзамов терма жамоамиз вакиллари билан учрашди.

Тажрибали устоз дзюдочиларимизга Австрия сафари олдидан ўзининг фойдали тавсияларини берди. Ўз ўрнида спортчиларимиз ўзларини қизиқтирган мавзулар бўйича саволларига жавоб олишди. Феруз Агзамовнинг йиллар давомида орттирган бой тажрибаси йилнинг муҳим мусобақалари олдидан турган дзюдочиларимизга ас қотади деган умиддамиз.