Дзюдочиларимиз Хитойдаги "Мастерс"да иштирок этишмоқда

Аввалига мусобақада тўрт нафар вакилимиз қатнашиши ҳақида хабар қилгандик. Аммо, кеча Диёрбек Ўрозбоев машғулотлар вақтида жароҳат олди ва турнирда қатнаша олмайдиган бўлди. 

Бугун эса -60 кг вазн тоифасида юртимиз шарафини ҳимоя қилган Шарофиддин Лутфуллаев ўзининг илк беллашувида мўғулистонлик Болдбаатар Ганбатни мағлубиятга учратди. Иккинчи жангда эса қозоғистонлик Елдош Сметовга имкониятни бой берди. Бронза медали учун ўтиш жангида эса бразилиялик рақибга ютқазиб қўйди.

-66 кг вазнли полвонимиз Шаҳрам Аҳадов эса ўзининг илк жангида россиялик Якуб Шамиловга имкониятни бой берди.

Эртага, +100 кг вазн тоифасида баҳслар ташкил этилади ва унда Бекмурод Олтибоев юртимиз шарафини ҳимоя қилади.