08 июл 07:11
Янгиликлар

Дзюдо

Дзюдочиларимизнинг дзюдо ватанидаги Осиё ўйинларида нечта медаль кўзлаётгани очиқланди

Спорт вазири ўринбосари Шахрилло Махмудов ҳамда Миллий олимпия қўмитаси раиси ўринбосари Шерзод Ташматов Аичи-Нагоя 2026 ёзги Осиё ўйинларига тайёргарлик жараёнларини ўрганиш мақсадида Ўзбекистон дзюдо федерациясида бўлди.

Спортимиз мутасаддилари миллий терма жамоамизнинг тайёргарлик ҳолати, машғулот режалари, халқаро мусобақалар тақвими ҳамда истиқболли спортчилар билан олиб борилаётган ишларни муҳокама қилишди.

Ўзбекистон дзюдо федерацияси бош котиби Азиз Собиров терма жамоамизнинг тайёргарлиги бўйича батафсил маълумот берди. Режа бўйича дзюдо бўйича Ўзбекистон терма жамоаси айнан дзюдо ватанидаги Осиё ўйинларида 2 та олтин, 3 та кумуш, 2 та бронза медалини қўлга киритишни мақсад қилмоқда.

Йиғилиш сўнггида Осиё ўйинларига пухта тайёргарлик кўриш ва юқори натижаларга эришиш юзасидан масъулларга тегишли тавсия ва топшириқлар берилди.