30 май 10:32
Янгиликлар

Бокс/ММА

Eagle FC 36. Ҳамюртимиз Хабибга тегишли промоушенда октагонга кўтарилди + ФОТО

Кеча оқшом Россиянинг Қозон шаҳридаги "Баскет-Холл" аренада ММА оқшоми бўлиб ўтди.

Хабиб Нурмагомедовга тегишли Eagle FC промоушени ўзининг навбатдаги ММА кечасини ташкил этди. Eagle FC 36 турнири доирасида ўзбекистонлик яккакураш устаси 25 ёшли Зокиржон Ҳошимов фаолиятидаги 16-жангини ўтказди.

Чустлик ММАчимиз россиялик 22 ёшли Виталий Косицинга қарши октагонга кўтарилди. Жанг бироз кутилмаганда биринчи раунднинг ўрталарига якунланди. Косицин бўғиш усули билан ғалаба қозонди. Рефери Николай Шарипов ҳамюртимизнинг ишорасидан сўнг жангни тўхтатди.

Маълумот учун, Зокиржон Ҳошимов ҳисобида кечаги жангга қадар 10 та ғалаба (9 таси муддатидан аввал) ва 5 мағлубият бор эди. Россиялик жангчи эса 4 ғалаба, 3 мағлубият ва 1 та дуранг қайд этганди.