08 апр 13:59
Янгиликлар
Бокс/ММА
Эдди Хирн Биволнинг навбатдаги жанги санаси ва эҳтимолий рақибини айтди
Matchroom Boxing компанияси раҳбари Эдди Хирн яримоғир вазн тоифасида WВА чемпиони Дмитрий Бивол Сауль Альварес билан реванш жанги олдидан яна битта жанг ўтказишини маълум қилди.
Хирннинг сўзларига кўра, россиялик боксчи 17 июнь куни жанг ўтказиши керак ва унинг рақиби катта эҳтимол билан мексикалик Хайме Мунгия бўлади.
"Ўйлайманки, Бивол Канело билан реванш жанги олдидан яна битта жанг ўтказади. Биз бу жангни 17 июнь куни ўтказишни мақсад қилганмиз. Golden Boy билан Хайме Мунгияга қарши жанг борасида музокаралар бўлган эди.
Албатта, биз ҳам ҳамма кўришни истаган Сауль Альварес билан реванш жанги учун музокаралар ўтказяпмиз. Шу ҳафтанинг ўзидаёқ Дмитрийнинг келажаги ҳақида гаплашамиз", - деди Хирн.
Ҳавола :
Манба : fightnews_info
Фикрлар